Kalayaan!

Ipinagdiriwang nating ngayon ang ika-110 taong anibersaryo ng ating kalayaan.
Pero tunay nga bang malaya si Juan Dela Cruz?
Madami pa rin ang mga taong nakakulong sa kahirapan sa bansa. Madaming tao ang nagugutom. Madaming taong walang trabaho. Madaming pamilya ang nagkakahiwalay para lang mabigyan ng magandang buhay ang kanya-kanyang pamilya. Corruption sa gobyerno. Buwaya na pulitiko. Pilipino laban sa kapwa Pilipino. Isang bansang hindi lubos na nagkakaisa. Watak watak sa isip, sa salita at sa gawa. Yan ba ang kalayaan na ipinagmamalaki ni Juan Dela Cruz?

Jun Lozada's Blog

Yesterday, ZTE's whistle blower, Jun Lozada launched his own blog. ">http://jlozada.com"> CLICK HERE to visit his site now!

golf game, kontrata atbp...

natatandaan ko pa sabi ng golf instructor ko dati. madami daw benefits ang paglalaro ng golf sa isang tao.
una. magandang exercise. pangalawa. magandang social activity. pangatlo. pag nasa isang kompanya ka at gusto mong sumipsip sa boss mo. alamin mo ang golf sked nya at dun ka rin maglaro. pang-apat. makakatagpo ka ng mga maiimpluwensyang nilalang sa golf course. pang-lima. pag gusto mong madikit sa girl na gusto mo, itreat mo xa sa isang golf game at turuan mo xang mag swing. at ang huli. maganda ang golf sa mga kontrata. dahil after the 18th hole eh sure na sure ng pirmahan ng kontrata ang kasunod. madaming nagaganap sa golf course na hangang golf course lang at d maaring lumabas.
-------------------------------------------------------------------------
wala lang naisipan ko lang magsulat dahil nasa balita ang isang pagtitipong naganap sa isang golf course sa china.(nakakamiss rin palang maglaro nito 8 months na akong d nakakapaglaro.)

kuryente, atbp.

Tumaas ang kuryente namin ngaung buwan kasi maghapon at magdamag naka bukas ang aircon. Kung itatake over ng gobyerno ang meralco, bababa kaya bill namin sa kuryente? bakit ba maxadong interesado ang gobyerno na makuha ang meralco sa mga lopez?dahil ba kritiko ng administration ang pamilyang lopez?
bakit parang natatabunan na ang isyu ng kakulangan sa bigas sa ating bansa?
wala na bang nagugutom at madami na bang bigas na makakain ang mga tao?mabubuhay naman yata ang mga tao kung walang kuryente eh.bakit d muna isantabi yang isyu sa kuryente at magtuon kayo ng pansin sa pagpaparami ng pagkain sa pinas?

isang masayang thursday!

After 5 days ng walang telepono at internet connection. Sa wakas naayos na rin ng pldt ang linya sa aming lugar!haha

Pabili po ng NFA rice!

After 15 days eh nagalaw ko uli ang multiply.(Tamad lang ako magsulat! Wala rin naman kasing kwenta at wala ring nagbabasa!haha)
Last saturday napadaan ako ng Commonwealth Avenue, sa may QC po ito para sa kapakanan ng ibang d nakakaalam. Lagi kasing nababalita ang pila ng NFA rice dito, pero d un ang sadya ko dun, papunta kami ng novaliches. Pangalawang beses ko ng dumaan dito ng magsimulang kumalat ang balitang rice shortage. Nung unang beses aba may pila nga sa NFA(that was 2 weeks ago). Aba last saturday eh walang kapila pila sa NFA. Nagdidiet na kaya sila? O praning lang ang mga tao kaya nagsisipila sa NFA rice? In fairness masarap ang NFA rice.haha kaya kami pumipila na rin sa NFA eh.haha Mas masarap pa xa sa bigas na ani namin sa aming munting palayan.
At matipid ang NFA rice. ang isang kilong commercial rice ay isang saingan lang para sa let's say 4 na katao na d matakaw, eh ang isang kilong NFA rice eh pwedeng isaing para sa 12 katao dahil kelangan nito ng madaming tubig para isaing.dba matipid? kaya sa NFA rice na tayong lahat! Mura na! Matipid pa!

Limang Bilyon Para sa Naghihirap na si Juan

Limang bilyong piso ang inilaan para sa 300,000 pamilya na nasasadlak sa matinding kahirapan sa bansa. Limang bilyong piso na ipapamigay sa mga pamilya na magpupunta sa mga Health Centers sa kanilang mga bayan para magpa-konsulta at sa mga batang papasok sa mga paaralan(bokod pa dito ang isang kilong bigas araw araw sa pagpasok ni Juan Jr. sa kanyang paaralan.).
Limang daang piso ang ipina-pangakong halaga na ibibigay sa mga magulang para lang magpatingin ang buong pamilya sa mga Centers. At 300 naman kay junior kung makakakumpleto siya ng 85% ng total attendance na itinakda sa eskwelahan niya.
Pantawid gutom na solusyon ito ng pamahalaan para lang may makain ang pamilya ni Juan araw araw. Srtehiya na rin siguro ito ng pamahalaan para makasigurado na lahat ng pamilya ay malulusog at malalayo sa mga karamdaman. At ang bawat batang Pilipino ay pumapasok sa paaralan.
Kaso pano pag naubos ang limang bilyong pisong pondo na ito? San pupulutin ang pamilya ni Juan? Pano sila kakain kung umaasa lang sila sa rasyon ng pera sa Center at sa eskwelahan?
Madami ang mahihirap at taun-taon ay nadadagdagan pa ang bilang ng mga taong ito. Magandang sagot yan sa kahirapan. Bigyan ng pera ang mahihirap para may makain sa araw-araw. Kaso panandaliang sagot lang yan sa tumitinding krisis ng gutom at kahirapan sa bansa. Kulang ang Pilipinas sa trabaho. 400,000++ ang nagsipagtapos ngaun sa kolehiyo at 64,000++ lang ang trabahong naghihintay sa kanila. Pano na ang mga masa na d nakapagtapos? Aasa na lang ba sila sa rasyon ng pera at bigas sa gobyerno?
Hindi Limos ang kelangan ng mga Pilipino. Naghihirap ang mga Pilipino pero wag mong ipamukha sa kanila na "ito ang limos na 500 at 300 para makakain kayo araw-araw". Turuan mo silang mamingwit ng isda sa dagat. Huwag ang isda ang lalapit sa kanila.
Kaso mas gusto ng gobyerno ang ganitong sistema. 5 bilyong piso para sa naghihirap at tig-limang bilyong piso rin sa bawat bulsa ng mga taong walang ginawa kundi kumain ng litson at caviar.
Hangang pangarap na lang ba si Juan na maka-ahon sa kahirapan? :)